सोहळा सौंदर्याचा.........

खुलुनी एक कळी
मज आज खुणावते
सौंदर्य माझे अति मोहक
परी तुज कसे ते न लुभावते


ऐकून तिचे बोल
हास्य माझ्या ओठी फुलले
म्हटले मी तिला
काय सांगू तुला खुळे

मी सुद्धा एकदा असाच
पार भुललो होतो
या वाटेवरून मीही
असाच एकदा गेलो होतो


झाली तेव्हा चांगलीच फजिती
आणि तोंडघशी मी पडलो
अनुभवातून मी त्या
आता पुरताच घडलो


तेव्हा पासून हात मी जोडले
आणि कानही पकडले


ना जायचे कधीच
आपणास त्या गावा
सोहळा तो सौंदर्याचा
दुरुनची पहावा




genius_pankaj