प्रिये येशील का माघारी.........

तुजवीण वाटे ही दुनिया
सुनी सुनी सारी
प्रिये येशील का माघारी......

चित्र वाटे अधुरे अधुरे
एकटाच मी बसलो किनारी
प्रिये येशील का माघारी....

तुजवीण आनंद सागरास
न येत असे उभारी
प्रिये येशील का माघारी...

शोधते तुलाच सारखी
नजर ही कावरी बावरी
प्रिये येशील का माघारी.....

रोजचेच ते सूर न गवसती
आज वीणेच्या या तारी
प्रिये येशील का माघारी.....

आसवांना कसे सावरू
पापण्यांचे बंद झालेत भारी
प्रिये येशील का माघारी.....

प्राण पाखरू आता
वाटे घेईल भरारी
प्रिये येशील का माघारी.....

--genius_pankaj

भेट तुझी माझी स्मरते त्या दिसाची...........

भेट तुझी माझी स्मरते त्या दिसाची
शहारलेले माझे तनमन आणि
गती थांबली होती माझ्या श्वासांची ......

आजवर जिला स्वप्नीच केवळ पहिले होते
प्रत्यक्ष भेटताना मात्र आनंदाचे आले भरते
जरा झाली होती घालमेल मनाची
भेट तुझी माझी स्मरते त्या दिसाची.....

काय बोलावे कसे बोलावे मला उमजत नव्हते
पाहण्यासही तुजकडे मन माझे धजत नव्हते
तुझ्याही मुखावर होती लकेर लाजेची
भेट तुझी माझी स्मरते त्या दिसाची......

मग गप्पांत त्या हास्य तुझे फुलले होते
माझेही क्षण तेव्हा मस्त खुलले होते 

वाट जणू धरली होती मस्त स्वर्गाची
भेट तुझी माझी स्मरते त्या दिसाची.....

विनोदांचे नुसते उडवीत होतो फवारे
म्हणालीस "किती हसवशील जरा गप ना रे "
गालावर खळी आणिक उमललेली कळी ओठांची
भेट तुझी माझी स्मरते त्या दिसाची.....

वाटत होते तो प्रत्येक क्षण तिथेच थांबावा
सूर्यास्ताला त्या कुणीतरी बांधून थोपवावा
कुणीतरी दिशाभूल करावी दहाही दिशांची
भेट तुझी माझी स्मरते त्या दिसाची.....

"पुन्हा भेटूच कधीतरी" म्हणालीस निरोप घेताना
आणि पुन्हा पुन्हा मागे वळून पाहताना
पापणी ओलावली होती तुझ्या अन माझ्या डोळ्यांची
भेट तुझी माझी स्मरते त्या दिसाची.....


--genius_pankaj