तुजवीण वाटे ही दुनिया
सुनी सुनी सारी
प्रिये येशील का माघारी......
चित्र वाटे अधुरे अधुरे
एकटाच मी बसलो किनारी
प्रिये येशील का माघारी....
तुजवीण आनंद सागरास
न येत असे उभारी
प्रिये येशील का माघारी...
शोधते तुलाच सारखी
नजर ही कावरी बावरी
प्रिये येशील का माघारी.....
रोजचेच ते सूर न गवसती
आज वीणेच्या या तारी
प्रिये येशील का माघारी.....
आसवांना कसे सावरू
पापण्यांचे बंद झालेत भारी
प्रिये येशील का माघारी.....
प्राण पाखरू आता
वाटे घेईल भरारी
प्रिये येशील का माघारी.....
--genius_pankaj
No comments:
Post a Comment