खड्गाच्या जयाने मातृभूमी उद्धरिली
स्वातंत्र्याची आस ज्याने नित्य हृदयी धरिली
दाविली जयाने या मुलुखास स्वराज्याची पहाट
शिवराया नामक होती ती प्रचंड लाट.....
सारी यवनी सत्ता ज्या लाटेत वाहून गेली
मराठ्यांची स्वराज्य द्वारका उभी राहिली
दाविले सामर्थ्य ज्याने न करिता बोभाट
शिवराया नामक होती ती प्रचंड लाट....
शिवराया नामक कोसळली तेजाची धार
जिने तीनशे वर्षांचा कापून काढला अंधार
यवनांचा बिमोड करायचा घातला घाट
शिवराया नामक होती ती प्रचंड लाट.....
ज्याने मराठ्यांची जागवली अस्मिता
सारी जनता केली सस्मिता
जन म्हणती भेटला असा राजा पुण्य आमुचे अफाट
शिवराया नामक होती ती प्रचंड लाट.....
ज्याने अगाध कर्तुत्व गाजवले
चारी पातशहा लाजवले
जाहला जो हिंदवी स्वराज्याचा अभिषिक्त सम्राट
शिवराया नामक होती ती प्रचंड लाट.....
चारशे वर्षानंतरही ज्याच्या सामर्थ्याचे पोवाडे गायले जातात
ज्याचा पराक्रम पाहून आजही बाहू स्फुरतात
ज्यासी आठवता सहजची हात जोडले जातात
ऐसा राजा ज्याच्या शक्ती युक्तीने केले सर्वाना चाट
शिवराया नामक होती ती प्रचंड लाट......
genius_pankaj
No comments:
Post a Comment